البيانات الشخصية

واش نحفظو

رقم الموبايل، الاسم، عنوان التوصيل وواش فيهم طلباتك. رقم الموبايل هو معرّف حسابك: بيه تدخلي وبيه يلحقك عامل التوصيل.

الإيمايل ماشي لازم. كلش يخدم بلا بيه: التتبّع، الإلغاء، الإرجاع والإيصال. نستعملوه باش نبعثولك الإيصال وأخبار الطلب، و— غير إذا علّمتي على الخانة — جديدنا.

شكون يوصلولو

باش نوصلولك طلبك، شركة التوصيل اللي تهز طردك تاخذ اسمك، أرقام الموبايل، العنوان، وصف قصير لواش فيه والمبلغ اللي تخلّصيه. نخدمو مع بزاف شركاء في التوصيل، ونبعثولك القائمة تاعهم غير تطلبيها.

الكود اللي يخدم مرة وحدة

الكود اللي يجيك في SMS ما نحفظوهش أبدا في قاعدة البيانات: يقعد شوية دقايق في ذاكرة مؤقتة ومن بعد يروح. يخدم غير باش يبيّن بلي الرقم رقمك.

شحال من وقت

نحفظو الطلبات كوثائق محاسبة. إذا مسحتي حسابك، نمسحو عناوينك، المفضّلة وآراءك، ونفصلو طلباتك على الحساب وتبقى مسجلة.

طلباتك

تقدري تمسحي حسابك وحدك من صفحة الحساب. لأي طلب آخر على بياناتك، اكتبيلنا.